DAGOENEKO IKUSTEN ARI GARA NON DAGOEN BENETAKO ONGINTZA “DESADOSTASUN AKORDIOETAN”… DTRG-RENTZAT

 

Berriro ere, TRGko zuzendaritzak beharrezkoa ikusi du bere kutxa babestea, gure langabezia-sarietan eskua sartuz, bere merkatu-estrategiarekin jarraitzeko, hau da, enpresa ahalik eta ekoizpen-ahalmen handienarekin edukitzea, baina aldi baterako enplegu-erregulazioko espedientea aplikatuta, gu langabeziara bidali ahal izateko eta SEPEk komeni zaienean gure soldatak ordaindu ahal izateko.

Eta, berriro ere, kontsultaldi batean gaude, balizko akordio bat negoziatzen… edo akordiorik gabeko balizko akordio bat.

Izan ere, horretara pasatu gara zuzenean, eta ez zaigu burutik pasatzen beste aukera batzuk ere, hala nola langileen eta sindikatuen borroka (argi geratzen ari zaigun zerbait da).

Testuinguru horretan, ikusi dugu nola aurkezten duen enpresak ABEEaren luzapena, baina azkar esaten digu, ez dutela luzatu nahi “akordiorik gabeko” akordioa, otsailean sinatu zena, luzapen honek sortzen duen ABEErako.

DTRGkoei esan diegun bezala, eta guk esan gabe oso ondo dakiten bezala, akordio hori ederki aplika dezakete luzapen honetan, berriro ezer sinatu behar izan gabe, aurreko ABEEa ez baita inpugnatu eta luzapen hori, logika beragatik, ez da inpugnatuko, are gehiago osatzeko baldintzak zabaltzen badira.

Baina, guk aurreko negoziaziotik nahiko argi geneukan arren, kontsulta-aldi honetan ikusten ari gara zein den DTRGren benetako interesa “akordiorik gabeko” akordio horietan.

Aurreko negoziazioan bezala, non erregulazio-egutegiak 15 eguneko aurre-eperarekin aldatzeko ahalbidea atera ziguten (eta aukera izan zutenean berehala aplikatu zutena), orain badirudi beste zerbait lortu nahi dutela: abuztuan lan egiteko betebeharra sortzea, beste ABEEan —2023an hasi zena— sortu ez ziren oporrak berreskuratzeko, edo haiei uko egitea, ordaindu gabeko baimen bat idatziz eskatuz.

Nahiz eta hori onargarria izan daitekeen belarri batzuentzat (ez gureentzat), esan behar da neurri hori eta egutegi-aldaketen aurrekoa inplementatzen doazen neurriak direla, eta behin eta berriz errepikatuko direla planteatzen den aldi baterako enplegu-erregulazioko espediente bakoitzean, elkarren artean metatuz.

Iritsiko al litzateke une bat, DTRGk “akordiorik gabeko” horiek sinatu nahi ez zituena eta esango ligukeena: edo ABEEa sinatuko duzue, edo osagarririk gabe joango zarete, egutegi aldaketekin, abuztuan lan eginez oporrak berreskuratzeko eta zerrenda honetara batzen dena?

GUK BAIETZ USTE DUGU.

Are gehiago, DTRG honen asmoa hasieratik hau dela uste dugu, egunen batean ABEEak sinatu eta onartzeko estrategia gisa. Langileok uko egin diogu horri orain arte, jakinduria handiz, baina gure aurkako tresnak jartzen jarraitzen badugu, auskalo iritsiko ote den.

Hori dela eta, ESK-k “akordiorik gabeko” horiei EZETZA ematea defendatu zuen azken batzar orokorraren bozketan, nahiz eta, hala ere, batzarraren emaitza errespetatzea erabaki genuen eta “edo denak sinatuko dituzue, edo ez dago osagarririk” dioen akordio batera gehitzea.

Hori guztia dela eta, gertatzen ari denaz eta, gure ustez, gerta daitekeenaz informatzen zaituztegu, eta hausnarketa handi bat egiteko eta etorkizunera begiratzeko eskatzen dizuegu, langileria gisa hartzen ditugun erabakiek epe luzera izan ditzaketen ondorioak ebaluatuz.

Gaur ESK TRGAren asanblada dugu 15:30etan komite gelan eta bihar, bilera izango dugu zuzendaritzarekin (teorian kontsulta epea amaitzen dena).

Negoziazioa oraindik martxan dago, beraz, oraindik denbora dago gauzak ahalik eta ondoen egiteko.

HORRELA EGIN DADILA ESPERO DUGU ETA, HORELA, EREMU GEHIAGORIK LAGA EZ DIEZAIOGUN, GUK GERO ETA LANGABEZI GUTXIAGO IZATEAREN ETA GURE SOLDATETAN MURRIZKETEN ERRUDUN BAKARRARI: TUBOS REUNIDOS ENPRESA.